抵食的魚八水產

 第一篇寫的日本菜, 選一間價錢公道抵食的<魚八水產>, 此店供應直送海鮮, 每天有廚師精選, 選擇又多, 有刺身壽司, 鍋物, 日式燒肉, 串燒, 基本上去幾次都食唔曬個 Menu。

海鮮 Bar 枱

每日直送海鮮就放係呢個 Bar 枱, 有不同的魚類, 貝類和生蠔。唔知食咩可以叫師傅介紹,  直接問埋價錢, 唔會比人斬到一頸血。 每日仲有限量 $79 松葉蟹, 當然是雪藏貨, 每枱都有一隻, 但我每次太晚去, 每次都沽清, 搵次早點去試試。

自家製梅酒

Bar 枱有自家製梅酒, 叫一杯試試。梅酒甜度適中, 飯前作為開胃酒是不錯的選擇。

蒸蛋

日式蒸蛋口感嫩滑, 材料有白果,日式魚旦, 雞肉, 蝦仁, 蜆。 熱辣辣的蒸蛋, 難食極都有個譜!

珍珠貝串燒

話係全港獨家, 香港日本餐廳可能係, 但係<好彩><富臨>這類街坊酒家我食過幾次, hahahaha。 做法是魚湯/上湯浸瓜/菜, 但串燒還是第一次試。 燒後的珍珠貝質感比較實, 加有燒汁所以甜甜地, 肉質好像乾貝, 最特別是付上珍珠一粒俾你拎走。 

芥辣八爪魚

食日本菜有幾味珍味小食我是必叫的, 其中必食的是芥辣八爪魚。這裡的芥辣八爪魚不像雪藏貨, 有機會要問問他們是不是自家製。八爪魚鬚切成小粒, 混入芥辣等調味，簡直係佐酒佳品。

魷魚豉油漬

魷魚豉油漬應該不是很多地方可以叫, 曾經在<御家>有魷魚肝, 做法是全塊肝冰震醃製。 <魚八>的做法是將魷魚筒釀入肝一同醃製而成。吃時要等一點時間溶化, 味道鹹鮮(腥, wakakaka), 齒頰留香, 又係一款'酒盜', 送 Sake 是一流。

鮟鱇魚肝

鮟鱇魚肝有海底鵝肝之稱, 這裡的肥美香滑, 在舌頭上逐漸融化, 豐厚飽滿的魚油在口中逐漸擴張, 實為仙人之食物也。 

燒雞心,魷魚鬚,牛舌

<魚八>的串燒燒得太乾, 魷魚太韌不能咬, 牛舌平平無奇, 雞心可取之處為比較爽脆, 串燒應該不是的強項, 可以不吃。

牡丹蝦

牡丹蝦很小, size 應該係M, 一盒40 隻那種, 但作為免費增品是無話可說。

什錦壽司

兩次去也有叫這款港式壽司, 貪佢大埋頭, 有三文魚, 海膽, 三文魚子, 吞拿魚蓉, 蟹肉5種口味, 底下放有青瓜卷八小件。 最好吃的是海膽及三文魚子, 一啖海膽一啖三文魚子, 海水味從口內爆發。相比下吞拿魚蓉及蟹肉味淡, 三文魚直情不值一晒 (hahaha, 個人偏見) 。 

松葉蟹膏

呢款野根本是在吃膽固醇, 但越多膽固醇的食物當然越好吃, hahahaha, 口內全是松葉蟹膏的味道, 真係高呼膽固醇萬歲!

福岡產真鯛

係咪福岡產我唔敢肯定, 但這條真鯛不是新鮮游水魚, 肉質不夠彈牙。在釜山吃過一尾游水真鯛, 根本是兩碼子的事。吃白身魚還是要吃活的。

 魴(魚弗)魚刺身

魴(魚弗)魚是北海道的深海魚, 在香港應該找不到活的, 魚味不濃, 但還是老問題, 雪藏飛機貨肉質比新鮮活魚差9皮!

魚湯鍋

魚湯鍋即叫即煮, 大概需時 30分鐘。 兩次的湯底水準一樣, 湯底奶白色, 有濃濃的魚香味。 魚湯加入豆腐, 金菇, 大蔥等新鮮蔬菜作火鍋之用。 其實魚湯加白飯加新鮮雞蛋已經是一頓豐富的晚餐。

海鮮拼盆

兩次去的海鮮配料有點不同, 第一次 (左)有: 扇貝, 蜆, 蝦, 醃八爪魚, 活鮑魚, 鱈場蟹, 活生蠔, 榮螺, 鮟鱇魚及馬刀貝十種材料。第二次去 (右)有: 鱈場蟹, 扇貝, 榮螺, 響螺, 生蠔, 蜆, 活八爪魚, 醃八爪魚, 鮟鱇魚九種海鮮。這款海鮮鍋是根據當天番貨的海鮮而拼出來, 每次的食材可能有一點點不同, 但全部新鮮可口, 還有價錢是400大元, 我覺得是物超所值!

評分：5條J滿分
食物：JJJJ    (食物款式多, 用料新鮮價錢可接受)
服務：JJ1/2   (有部份侍應不太清楚Menu, 第一次去仲倒瀉野落我身)
環境：JJJ      (座位寬, 去兩次都有日本人喝酒做 farewell, 比較嘈, 但可按受)


地址 : 銅鑼灣軒尼詩道489號銅鑼灣廣場1期6樓6A號舖
電話 : 3520 2730