隱藏邊爐 - 廣東飯莊

冬天成日去<和味菜館>打炭爐邊爐, 夏天熱到甩轆, 無可能對住個火爐。

在<和味菜館>附近有間地踎邊爐, 見佢門口麒麟怪, 全部係貝殼蠔殼蟹款, 就走入去試吓。

芫茜蕃茄湯底

湯底選擇不多, 原本想點蕃茄蟹鍋, 但是日只是宵夜, 不想吃太多, 清清地點個芫茜蕃茄湯底。

芫茜湯底得幾條芫茜, 皮蛋都唔多件, 失敗; 蕃茄湯底,雖然睇清清地,但茄味酸味濃郁, 應該加了茄膏。 

沙皮海蜇

平時食的海蜇表面光滑, 這裡沙皮海蜇有斑點, 像給火燒過一樣。 入口比普通的海蜇爽口, 不知道是什麼品種種。海蜇切得比較大塊, 有咬口, 簡單的加點麻油芝麻, 吃時再加點辣椒粉, 美味爽口!  

手切肥牛

牛肉有手切牛及美國肥牛兩種,  從來不喜歡美國肥牛,  覺得肉味不夠。 這裹的手切牛味濃, 肉色鮮紅, 應該是隔近旺角街市新鮮貨。

響鈴

無油溢味, 無特別。

蟶子

廣東飯莊主打海鮮, 見蟶子夠大, 叫兩隻試試。蟶子劏得乾淨, 比很多貴價火鍋做得好。老闆說滾25秒足夠。放入口, 鮮甜多汁, 爽口彈牙, 下次再去必點!  

八爪魚

不是活八爪魚, 不可以生吃, 有點失望, 但仍然鮮甜彈牙。 

桂花蚌

桂花蚌當然是雪藏貨, 但沒有雪味, 滾數十秒, 鮮甜爽口。

其實桂花蚌是什麼? 自己睇。 http://www.youtube.com/watch?v=9tktWNf4xW8

塔螺

從來沒有吃過這種螺, 形狀麒麟怪怪, 有新野當然要叫碟試試。

老闆在螺底開一個小洞, 方便進食。滾5分鐘味, 螺肉很小, 比正常東風螺肉還小, 有一股海水味，肉質實而韌，是我喜歡的口味, 但價錢太貴了, 60蚊先有5粒, 比在西貢食跳螺還要貴!

魚片頭

魚片頭即叫即炸, 新鮮滾熱辣, 啤酒來多兩口!

評分：5條J滿分
食物：JJJ    (食物款式不多, 但食物新鮮, 水準不錯)
服務：JJJ    (阿仔加阿媽, 每樣海鮮都介紹要滾幾耐)
環境：J      (街邊街市, 枱得4張定5張, 食環境唔好去)


地址 : 油麻地廣東道872號
電話 : 2666 6683