專賣下欄野的韓東子

本人時常吃韓國食物, 但很少吃韓國燒烤。有次去朋友的飛鏢道場掟鏢 http://www.facebook.com/tst.jdarts (陳鳩毛幫你賣下廣告啦), 發現一間韓國燒烤店連招牌也沒有, 又見全部韓人/Gi, 膽粗粗試下先!

前菜

Kimchi 水,  Kimchi, 大荳芽, 紫蘇葉加生菜, 比其他韓國餐廳少很多。

 Makkoli

話說叫酒時阿芝媽問我點解識叫呢種酒。是咁的, 好很多年前在<炭姬>飲過, 之後念念不忘。那時以為是 Sake 的一種, 次次去日本餐廳都想叫, 當然係無啦! 事隔多年 (2011年) 去爹山9遊, 終於發現這種酒是韓國米酒。 飲的時候要用碗飲, 個韓妹仲教我要加一'下'雪碧。銀牙~~~ 就是這種味道, 結果去4日飲足4日, 再帶兩支返香港。 

返香港再去金巴利街看看。 吊~~~~ 令我魂牽夢縈的 Makkoli 原來身藏韓國街, 阿之媽將她藏在雪櫃底, 立刻掃幾支9飲到天明。 

如果想飲我勸你去金巴利街買, 3草野, 這裡收你一舊...... xy@z2$%#@R

 鳳爪

其實去韓東子主打不是吃飽肚, 而是吃一些不飽肚的食物送酒, 所以這裡的酒賣到鳩咁撚柒貴。講番鳳爪, 其實沒有特別, 是但用辣汁攪落堆無骨鳳爪。講真不是好吃, 但又不難吃。由於醬汁關係, 燒一陣就黑, 要 keep 住反。 

 燒生蠔

老闆見我叫就問我點燒。huh! 你玩鳩我呀, 你賣比我嫁喎, 你唔識燒? 佢話韓國人唔燒生蠔, 仲話d蠔可以生食。吊!你當我on9呀! 一睇就知係急凍蠔啦, 加蒜頭燒下先。我仲教佢用牛油蒜蓉變港式燒烤, 唔知佢有冇跟, wakakakaka。

 牛肋骨

話說是牛肋骨, 但切到一條條連骨都無, 我覺得似頭頭尾尾切埋一碟的下欄野。牛肉無醃,食原味, 不過不失。

豬皮

第一次去無貨, 第二次去先有。原塊燒豬皮, 味道甜甜地, 腍腍地, 好似橡皮糖, 有碗黃豆粉比你點, 我覺得不點比較好吃。

開始燒時我將豬皮剪開, 阿之媽立刻衝過來制止。她說要燒完先剪, 因為細塊的豬皮會卷起, 另一邊就很難熟。

水冷麵

每次去食韓國餐廳都食, 有雪梨片、青瓜條和一片牛展(點解沒有半隻蛋?)，蕎麥麵煙煙靭靭有嚼勁, 加冰加芥辣加雪梨, 吃到幾飽也可吞下一碗。

P.S. 我真係唔覺呢到好食, 樣樣都係下欄野, 但前後去過三次, 第三次重要無位 (開始有雜誌寫), 可能我真係街邊, 一定要食街邊下欄野先安慰體內嘅DNA。

評分：5條J滿分
食物：JJ1/2     (係個豬皮特別, 加坐外面可燒環保炭有d風味, 坐裡面2條J only)
服務：JJJ        (阿芝媽不停加玄米茶, 得閒幫你燒下, 一貫韓式服務)
環境：JJ         (街邊咁樣, 是但比個酒筒你當枱, 你可以話有風味, 不過d港女實吊柒你)


地址 : 尖沙咀嘉蘭圍3號嘉麗大廈地下
電話 : 2369 6880