是咁的, 黑臉王 同 飛鏢冠軍C9Manager 英倫港燦伉儷無得坐 Business Class 下回港工幹, 有人前世未食過牛肉下決定去食燒烤。 原本想去<韓東子>, 但在韓撚肥仔出手下由8點等到9點都無位, 咁我試下打去<伊呂波> 睇吓有冇位。 奇麟怪怪! 竟然話9點半有枱走, 正呀喂! <伊呂波>星期五9點半竟然有位, 當然狗衝la。
一行柒人 (其實5人), 黑臉王, Are you ok, 韓撚肥仔, 秦拳歌后, GuybinRex, 韓撚肥仔媽媽 (已醉, 由韓撚肥仔擔上去), 飛鏢冠軍C9Manager (遲到, 好似話去探姨媽) 狗衝伊呂波後係門口鳩吹5分鐘有坐。
伊呂波淡口味醬油和檸檬汁
芝士年糕
Are you ok 同 秦拳歌后大叫肚餓, 要立即點d熟食。 芝士年糕上桌, Are you ok 同 秦拳歌后一馬當準備放入口之際, 阿侍應立刻笑鳩佢地話呢個芝士年糕要燒ga。
年糕已輕輕炸過, 很容易挾起, 但燒年糕彼難控制火喉, 外面已經燒焦但裡面的芝士還是凍的。 年糕不夠煙韌, 芝士味也不夠濃, 下次可以不點。
海鮮煎餅
海鮮煎餅太簿, 而且所謂的海鮮只見蝦米數粒, 如果唔點辣椒洋蔥醬油根本不夠味道, 失敗!
薩摩
薩摩是鹿兒島古時的稱呼, 若是說到番薯燒酒鹿兒島是特別有名的。 將燒酒只加冰塊，慢慢飲用, 具有黑麴特有的甘香。
鹽燒牛小排肉
牛小排肉又稱為五花肉, 也被稱為三層肉。紅色的肉滿布霜降的脂肪, 脂肪的甘香滲入瘦肉之中, 配檸檬吃極為對味。
汁燒牛小排肉
加入醬汁醃製的牛小排, 肉汁比原味的牛小排肉更多, 味道比較濃, 但我還是喜歡原味。
香蔥牛舌 鹽燒牛舌
兩款牛舌肉質柔軟爽脆而多脂肪, 簿切牛舌很快烤熟, 生一點油脂多一點, 熟一點比較有嚼勁, 各有所長。
法國豬里肌
特別推介, 不在餐牌內。 豬里肌紋理細致而肉質脂肪圴勻, 放在火上一烤, 油脂的香味滲出並轉移到瘦肉上, 加上肉質鬆化, 吃多兩片也不覺得油膩。
牛肩肉
圓形薄片的牛肩肉，紋理稍粗, 但油花分佈平均，肉質鬆化甘甜, 肉味濃郁。
雞肝
新鮮雞肝用醬汁醃製, 烤好後大口一咬, 軟中帶彈性的口感加上入口即化, 雞肝獨特的味道遍布口中, 齒頰留香。
壺漬牛肋骨
牛肋骨其實是沒有去掉肋骨的小牛排, 但在香港吃日式燒肉全部也把肋骨去掉, 只有韓式的還留有肋骨。
一客兩條, 每條多一尺, 整條放走爐上烤。 先輕烤四面把肉汁封著, 再用剪刀把牛肉剪開, 烤至五成熟, 肉的中心部份還是粉紅色。 在口中慢慢咀嚼, 肉汁一點點的滲出來, 再呷一口白飯, 美味!
鹽燒豬頸肉
近來吃日式燒肉最愛吃的是豬頸肉, 香港人叫豬頸肉, 日本人和台灣人稱為松阪豬肉。 這粉紅色的瘦肉夾着脂肪, 外表晶瑩剔透。 一放入口像立刻化掉一樣, 但肉質卻清新爽口。 燒烤時要注意火喉時間, 過熟會把脂肪燒掉, 越來越小, 風美也大減。
鹽燒胸外腹 汁燒胸外腹
根據韓撚肥仔牛肉佬所謂, 胸外腹是指胸部與腹部之間的肉質隔膜, 即是橫隔膜。
外觀和肉質和牛小排很像, 肉質柔軟但口感紮實, 脂肪比牛小排少但肉味比較濃。 鹽燒和汁燒同樣好吃。
野菜拼盤
乜都有一d, 只吃了玉米和茄子, 新鮮蔬菜無得輸。
一鳩燒撚曬比食齋但食牛嗰個韓撚媽媽, 佢又話好飽, 仲有d菜話唔食, 佢應該就快餓死鳥!
呢餐7條友19幾碗飯十幾碟肉加酒水無叫和牛下三千蚊到賣單, 講真咁嘅質數一d都唔貴。 <伊呂波>真係可以一戰再戰, 其實 Lunch 仲抵, 最貴嘅 set 唔駛 $200, 平d有 $100。 當然肉嘅質數差一點點la。
最後要多謝韓撚肥仔請食飯, 仲有 祝 黑臉王 同 飛鏢冠軍C9Manager 英倫港燦伉儷 快撚d係法國插多d旗, 等我可以去法國免費9食生蠔9飲香檳! 多謝!
評分：5條J滿分
食物：JJJJ (每一樣都新鮮好食, 除海鮮)
服務：JJJ (正正常常, 唯一要吊係放低碟肉後唔介紹係咩肉)
環境：JJJJ (抽風夠勁, 沒有一身燒肉味, 我地最撚嘈, 不過食燒肉係咁ga la)
地址 : 尖沙咀金馬倫道23號金馬倫廣場1樓
電話 : 2311 4700
沒有留言:
張貼留言